ELANLAR | ARDDA

“Akademik Zərifə Əliyeva” ro-ro yük gəmisi 2006-cı ildə Xorvatiyanın Pula şəhərinin Gəmiqayırma Zavodunda inşa edilib. 147.04 metr uzunluğa, 17.50 metr enə, 7.50 metr hündürlüyə malik olan gəminin ümumi çəkisi 8547 ton, xüsusi çəkisi 3135 ton və dedveyti 5985 tondur. “Akademik Zərifə Əliyeva” gəmisi vaqonlarda yüklər və avtomobil daşınmasını həyata keçirir.

“Zəngəzur” neftdaşıyan tankeri 2008-ci ildə Rusiya Federasiyasının Nijni-Novqorod şəhərində yerləşən “Krasnoe Sormovo” Gəmiqayırma Zavodunda inşa edilib. 145 metr uzunluğa, 17.30 metr enə, 10.50 metr hündürlüyə malik olan gəminin ümumi çəkisi 7834 ton, xüsusi çəkisi 3356 ton və dedveyti 13054 tondur. “Zəngəzur” gəmisi əsasən neft və neft məshullarının daşınmasını həyata keçirir.

“Şuşa” neftdaşıyan tankeri 2009-cu ildə Rusiya Federasiyasının Nijni-Novqorod şəhərində yerləşən “Krasnoe Sormovo” Gəmiqayırma Zavodunda inşa edilib. 145 metr uzunluğa, 17.30 metr enə, 10.50 metr hündürlüyə malik olan gəminin ümumi çəkisi 7834 ton, xüsusi çəkisi 3356 ton və dedveyti 13008 tondur. “Şuşa” gəmisi əsasən neft və neft məshullarının daşınmasını həyata keçirir.

“Şah İsmayıl Xətai” neftdaşıyan tankeri 2005-cı ildə Rusiya Federasiyasının Nijni-Novqorod şəhərində yerləşən “Krasnoe Sormovo” Gəmiqayırma Zavodunda inşa edilib. 145 metr uzunluğa, 17.30 metr enə, 10.50 metr hündürlüyə malik olan gəminin ümumi çəkisi 7833 ton, xüsusi çəkisi 3521 ton və dedveyti 13470 tondur. “Şah İsmayıl Xətai” gəmisi əsasən neft və neft məshullarının daşınmasını həyata keçirir.

“Qarabağ” ro-ro yük gəmisi 2005-ci ildə Xorvatiyanın Pula şəhərinin Gəmiqayırma Zavodunda inşa edilib. 147.04 metr uzunluğa, 17.50 metr enə, 7.45 metr hündürlüyə malik olan gəminin ümumi çəkisi 8547 ton, xüsusi çəkisi 3135 ton və dedveyti 5985 tondur. “Qarabağ” gəmisi vaqonlarda yüklər və avtomobil daşınmasını həyata keçirir.

“Azərbaycan” sərnişin bərəsi 1985-ci ildə Yuqoslaviyanın Pula şəhərinin Gəmiqayırma Zavodunda inşa edilib. 147 metr uzunluğa, 17.50 metr enə, 13.45 metr hündürlüyə malik olan gəminin ümumi çəkisi 11450 ton, xüsusi çəkisi 3435 ton və dedveyti 3985 tondur. “Azərbaycan” bərəsi Bakı – Türkmənistan və Bakı – Aktau xəttləri ilə sərnişin, vaqon və avtomobil daşımalarını həyata keçirir.

“Koroğlu” neftdaşıyan tankeri 2006-cı ildə Rusiya Federasiyasının Nijni-Novqorod şəhərində yerləşən “Krasnoe Sormovo” Gəmi Təmiri Zavodunda inşa edilib. 145 metr uzunluğa, 17.30 metr enə, 10.50 metr hündürlüyə malik olan gəminin ümumi çəkisi 7833 ton, xüsusi çəkisi 3521 ton və dedveyti 13030 tondur. “Prezident Heydər Əliyev” gəmisi əsasən neft və neft məshullarının daşınmasını həyata keçirir.

“Prezident Heydər Əliyev” neftdaşıyan tankeri 2004-cü ildə Rusiya Federasiyasının Nijni-Novqorod şəhərində yerləşən “Krasnoe Sormovo” Gəmiqayırma Zavodunda inşa edilib. 145 metr uzunluğa, 17.30 metr enə, 10.50 metr hündürlüyə malik olan gəminin ümumi çəkisi 7833 ton, xüsusi çəkisi 3521 ton və dedveyti 13470 tondur. “Prezident Heydər Əliyev” gəmisi əsasən neft və neft məshullarının daşınmasını həyata keçirir.

“Dədə Qorqud” neftdaşıyan tankeri 2006-cı ildə Rusiya Federasiyasının Nijni-Novqorod şəhərində yerləşən “Krasnoe Sormovo” Gəmiqayırma Zavodunda inşa edilib. 145 metr uzunluğa, 17.30 metr enə, 10.50 metr hündürlüyə malik olan gəminin ümumi çəkisi 7833 ton, xüsusi çəkisi 3521 ton və dedveyti 13030 tondur. “Dədə Qorqud” gəmisi əsasən neft və neft məshullarının daşınmasını həyata keçirir.

“Cabbar Həşimov” neftdaşıyan tankeri 2008-ci ildə Rusiya Federasiyasının Tatarıstan Muxtar Respublikasının Zelenodolsk şəhərində yerləşən “Maksim Qorki” adına Gəmi Təmiri Zavodunda inşa edilib. 142.79 metr uzunluğa, 17.30 metr enə, 10.10 metr hündürlüyə malik olan gəminin ümumi çəkisi 7226 ton, xüsusi çəkisi 3517 ton və dedveyti12365 tondur. “Cabbar Həşimov” gəmisi əsasən neft və neft məshullarının daşınmasını həyata keçirir.

“Cəlil Məmmədquluzadə” neftdaşıyan tankeri 2003-cü ildə Rusiya Federasiyasının Nijni-Novqorod şəhərində yerləşən “Krasnoe Sormovo” Gəmiqayırma Zavodunda inşa edilib. 137.10 metr uzunluğa, 16.60 metr enə,7.40 metr hündürlüyə malik olan gəminin ümumi çəkisi 5143 ton, xüsusi çəkisi 1957 ton və dedveyti 7950 tondur. “Cəlil Məmmədquluzadə” gəmisi əsasən neft və neft məshullarının daşınmasını həyata keçirir.

“Caspian Pride” təchizat gəmisi 2004-ci ildə Norveç Krallığının Brevik şəhərində yerləşən “Aker Shipyard” Gəmiqayırma Zavodunda inşa edilib. 68.30 metr uzunluğa, 16 metr enə, 7 metr hündürlüyə malik olan gəminin ümumi çəkisi 2265 ton, xalis çəkisi 1121 tondur. “Caspian Pride” gəmisi əsasən neft yataqlarının təchizatını həyata keçirir.

“General Əsədov” sərnişin gəmisi 1983-cü ildə Finlandiyada Respublikasında inşa edilib. 66.75 metr uzunluğa, 14.5 metr enə, 8.065 metr hündürlüyə malik olan gəminin ümumi çəkisi 2621 ton, xalis çəkisi 786 ton və dedveyti 549 tondur. “General Əsədov” gəmisi əsasən neft platformalarına sərnişin daşınmasını həyata keçirir.

“Lyutoqa” təchizat gəmisi1981-ci ildə Norveç Krallığında inşa edilib. 60.10 metr uzunluğa, 13.80 metr enə, 6.90 metr hündürlüyə malik olan gəminin ümumi çəkisi 1312 ton, xalis çəkisi 393 ton və dedveyti 1185 tondur. “Lyutoqa” gəmisi əsasən neft yataqlarının təchizatını həyata keçirir.

“Şirvan” kran gəmisi 1982-ci ildə keçmiş Yuqoslaviya Respublikasının Karlevitsa şəhərində yerləşən Gəmi Təmiri Zavodunda inşa edilib. 93.57 metr uzunluğa, 17.03 metr enə, 6.10 metr hündürlüyə malik olan gəminin ümumi çəkisi 2700.04 ton, xalis çəkisi 943 ton və dedveyti 1350 tondur. “Şirvan” gəmisi əsasən kran əməliyyatlarını həyata keçirir.

“Qurban Abbasov” kran gəmisi 1986-cı ildə Finlandiyanın Gəmiqayırma Zavodunda inşa edilib. 124.36 metr uzunluğa, 54 metr enə, 13 metr hündürlüyə malik olan gəminin ümumi çəkisi 19813 ton, xalis çəkisi 5944 tondur. “Qurban Abbasov” kran gəmisi əsasən kran əməliyyatlarını həyata keçirir.

 

ELANLAR

11 aprel 2017-cı il

Azərbaycan Respublikasının Dövlət Dəniz Administrasiyası
«Kimyəvi maddələr daşıyan tankerlərdə yük əməliyyatına dair geniş proqram üzrə hazırlıq»la bağlı
ELAN EDİR:

      Bildiyiniz kimi dəniz nəqliyyatı sahəsində dənizçilər hər bir gəminin tipinə (təyinatına) görə xüsusi hazırlıq kursları keçməlidir. Bu gəmi tiplərindən biri kimyəvi maddələr daşıyan tankerlərdir. Bu günə qədər belə kurslar ölkəmizdə fəaliyyət göstərən təlim mərkəzlərində keçirilmirdi. Buna görə dənizçilər xarici ölkələrin təlim mərkəzlərinə üz tuturdular. Bu da öz növbəsində çətinliklərin yaranması ilə yanaşı maliyyə vəsaiti sıxıntısına və zaman itkisinə səbəb olurdu.
      Artıq kimyəvi maddələr daşıyan tankerlərdə çalışan komandir heyətinin “Kimyəvi maddələr daşıyan tankerlərdə yük əməliyyatına dair geniş proqram üzrə hazırlıq”la bağlı sertifikat əldə etmələri üçün xarici ölkələrdə fəaliyyət göstərən təlim mərkəzlərinə üz tutmalarına ehtiyac qalmadı. Azərbaycan Respublikası Dövlət Dəniz Administrasiyasının və “Azərbaycan Xəzər Dəniz Gəmiçiliyi” Qapalı Səhmdar Cəmiyyətinin nəzdində fəaliyyət göstərən Təlim Mərkəzinin birgə fəaliyyəti və səyi nəticəsində tədris bazası yaradılıb. Kurslar Beynəlxalq Dəniz Təşkilatının “Kimyəvi maddələr daşıyan tankerlərdə yük əməliyyatına dair geniş proqram üzrə hazırlıq” model kursuna uyğun olaraq və Administrasiya tərəfindən təsdiqlənmiş proqrama əsasən həyata keçiriləcəkdir.

 

07 mart 2016-cı il

Azərbaycan Respublikasının Dövlət Dəniz Administrasiyası
vakant dövlət qulluğu vəzifələrinin
tutulması ilə bağlı müsahibə
ELAN EDİR:

Müsahibədə inzibati vəzifələrdə qulluq keçən və ixtisas dərəcəsinə malik olan Azərbaycan Respublikasının Dövlət Dəniz Administrasiyasının dövlət qulluqçuları iştirak edə bilərlər.
Müsahibədə iştirak etmək üçün aşağıdakı sənədlər təqdim edilməlidir:

  • ərizənin surəti
  • əmək kitabçasının surəti
  • ali təhsil haqqında diplomun surəti(xarici dövlətlərin ali təhsil müəssisələrində təhsil almış şəxslərin ali təhsil haqqında sənədinin və həmin sənədin qanunvericiliyə uyğun olaraq təsdiq edilməsi haqqında müvafiq şəhadətnamənin surəti ilə birlikdə) və ya müvafiq ixtisas üzrə yenidənhazırlanma keçmə haqqında müvafiq sənədin surəti(ali təhsil haqqında sənədin surəti ilə birlikdə)
  • kadr uçotunun şəxsi vərəqəsinin surəti (bütün bölmələr üzrə məlumatlar tam olmalı və hazırki dövrü əks etdirməlidir)
  • bir ədəd ağ rəngli foto şəkil
  • son bir ildə intizam tənbehi tədbirinin tətbiq edilməməsi barədə arayış

Müsahibədə iştirak etmək üçün ərizələrin qəbulu 7 mart 2016-cı il tarixdən 28 mart 2016-cı il tarixdə saat 18:00-dək Azərbaycan Respublikasının Dövlət Dəniz Administrasiyasında  aparılır. Ərizələr şəxsən (bazar ertəsi – cümə günləri saat 09:00-dan 13:00-dək və 14:00‑dan 18:00-dək), yaxud poçt vasitəsilə təqdim edilə bilər.
Müsahibə zamanı müsahibədə iştirak edən dövlət qulluqçusunun bilik səviyyəsi, peşə hazırlığı, ümumi dünyagörüşü, barəsin­də müsahibə elan edilən vəzifə üçün zəruri olan şəxsi keyfiyyətləri yoxlanılmaqla müvafiq vəzifəyə uyğunluğu müəyyən edilir. Müsahibədə ixtisas dərəcəsi, attestasiyanın nəticələri, müvafiq vəzifənin tələblərinə uyğun olaraq təkrar hazırlıq keçirilməsi və ixtisasın artırılması da nəzərə alınır.
Müsahibəyə dair ətraflı məlumat almaq üçün Azərbaycan Respublikasının Dövlət Dəniz Administrasiyasına müraciət edilə bilər.

Telefon:   (+99412) 497-44-05

Gəmi qeydiyyatı və standartlarına nəzarət şöbəsi, Gəmi qeydiyyatı və sənədləri sektoru, sektor müdiri
Gəmi heyəti şöbəsi, Diplom, imtahan və sertifikatlaşdırma sektoru, baş məsləhətçi

 

 

13 yanvar 2016-cı il

“Gəmi agentlərinin hazırlığı” kursu

Dəniz nəqliyyatı sahəsində yük və sərnişin daşımalarının təşkilində səmərəliliyin yüksəldilməsi, dəniz nəqliyyatı xidmətlərinin beynəlxalq bazara girişi üçün şəraitin yaradılması, beynəlxalq daşımaların həcminin artırılmasına yardım göstərilməsi və dəniz üzgüçülüyünün təhlükəsizliyinin təmin olunması, eləcə də gəmilərin liman əməliyyatları zamanı vaxt itkisinin minimuma endirilməsi məqsədilə Azərbaycan Respublikası Nazirlər Kabinetinin 2015-ci il 8 iyul tarixli 262 nömrəli Qərarı ilə təsdiq edilmiş  “Gəmi agenti haqqında Əsasnamə”nin tələblərinə uyğun olaraq 01-12 fevral 2016-cı il tarixlərdə Dövlət Dəniz Administrasiyası tərəfindən “Gəmi agentlərinin hazırlığı” kursu keçiriləcəkdir.

Qeyd etmək istərdik ki, gəmi agenti xidmətləri Azərbaycan Respublikasında qeydiyyata alınmış hüquqi şəxslər, Azərbaycan Respublikasının vətəndaşları və Azərbaycan Respublikasında müvəqqəti və ya daimi yaşamaq üçün icazə vəsiqəsinə malik olan əcnəbilər və vətəndaşlığı olmayan şəxslər tərəfindən göstərilə bilər.

“Gəmi agentlərinin hazırlığı” kursunu bitirmiş şəxslər qeyd edilən Əsasnamənin tələblərinə uyğun olaraq bilik səviyyəsi yoxlanılacaq və Azərbaycan Respublikası Nazirlər Kabinetinin 2015-ci il 8 iyul tarixli 262 nömrəli Qərarı ilə təsdiq edilmiş “Limanlarda gəmi agenti tərəfindən xidmətlərin göstərilməsi üçün sertifikatın forması, qüvvədə olma müddəti, verilmə və ləğv edilmə Qaydası”na uyğun olaraq sertifikat veriləcəkdir.

Gəmi agenti fəaliyyəti ilə məşğul olan hüquqi və ya fiziki şəxslər qeyd edilən kursda iştirak etmək məqsədilə Dövlət Dəniz Administrasiyasına müraciət edə bilərlər.

Əlaqələndirici şəxs: Gəmi qeydiyyatı və standartlarına nəzarət şöbəsinin Gəmi standartlarına nəzarət sektorunun məsləhətçisi Rəşad Kərimov (tel: 4974405 (daxili 242), e-mail: r.kerimov@ardda.gov.az)

15 iyul 2014-cü il

  4 ALBERT EMBANKMENT
LONDON SE1 7SR
Telephone: +44 (0)20 7735 7611   Fax: +44 (0)20 7587 3210

 STCW.7/Circ.22
25 February 2014

 Dənizçilərin hazırlanmasına, onlara diplom verilməsinə və növbə çəkməyə
dair” 1978-ci il tarixli. əlavələr edilmiş Beynəlxalq konvensiya
(DHDNÇ Konvensiyası)

Dövlət liman nəzarəti müfəttişlərə, tanınmış dəniz təşkilatlarına, təhlükəsizlik üzrə tanınmış təşkilatlara gəmi mühafizəsi üzrə məsul şəxslərin, gəmi mühafizəsi üzrə müəyyən edilmiş
vəzifələrə malik olan şəxslərin   hazırlığına və sertifikatlaşdırılmasına dair tələbləri açıqlayan tövsiyələr.  

1. “İnsan elementinə, hazırlığa və növbə çəkməyə dair” alt komitənin 1-ci sessiyasında (17.02.2014 – 21.02.2014) qeyd edilmişdir ki, “Dənizçilərin hazırlanmasına, onlara diplom verilməsinə və növbə çəkməyə dair” (bundan sonra DHDNÇ) Beynəlxalq Konvensiyasının A-VI/5 bölməsinin tələblərinə uyğun olaraq “Gəmi mühafizəsi üzrə məsul şəxs” hazırlığını bitirmiş dənizçilərdən “Ümumi hazırlıq və təlimat”, “Gəmi mühafizəsi üzrə müəyyən edilmiş vəzifələrə malik olan şəxs” hazırlığının bitirilməsi haqqında sertifikat tələb edilir.

Həmçinin, “Gəmi mühafizəsi üzrə müəyyən edilmiş vəzifələrə malik olan şəxs” hazırlığının bitirilməsi haqqında sertifikatı olan dənizçilərdən, ”Gəmi mühafizəsi üzrə ümumi hazırlıq və təlimat” hazırlığının bitirilməsini təsdiq edən sertifikatın təqdim edilməsi tələb edilir.

 2.  Alt komitə qeyd etdi ki, sertifikatlaşdırma məqsədi ilə təhlükəsizliyin ilkin tanışlığı və təlimatı ilə bağlı DHDNÇ Beynəlxalq Konvensiyasına və məcəlləsinə edilmiş əlavələr üç səviyyədən ibarətdir. “Gəmi mühafizəsi üzrə ümumi hazırlıq və təlimat”, “Gəmi mühafizəsi üzrə müəyyən edilmiş vəzifələrə malik olan şəxs” və “Gəmi mühafizəsi üzrə məsul şəxs” və sonuncu ilə bağlı hazırlıqlar ən yüksək səviyyə hesab olunur. Alt komitə etiraf etdi ki,  təhlükəsizlik ilə əlaqədar hazırlıq tələbləri hər üç səviyyədə elə hazırlanmışdır ki, daha yüksək səviyyə özündə aşağı səviyyələrin tələblərini ehtiva edir.

 3. Alt komitə razılaşdı ki, “Gəmidə mühafizəyə məsul şəxs”-in hazırlığı A-VI/6 bölməsini tələblərini bütünlüklə əhatə edir və bu səbəbdən  “Gəmidə mühafizəyə məsul şəxs” sertifikatına malik olan şəxslər Məcəllənin A-VI/6 bölməsinə müvafiq olaraq verilən ”Gəmi mühafizəsi üzrə ümumi hazırlıq və təlimat” və “Gəmi mühafizəsi üzrə müəyyən edilmiş vəzifələrə malik olan şəxs” kurslarına dair sertifikatları əldə etmələri tələb olunmur.

 4.  Alt komitə həmçinin razılaşdı ki, “Gəmi mühafizəsi üzrə müəyyən edilmiş vəzifələrə malik olan şəxs” hazırlığı Məcəllənin A-VI/6 bölməsinin 6-ci bəndinin tələblərini əhatə edir və bu səbəbdən VI/6 qaydasının 5-ci bəndinə müvafiq olaraq “Gəmi mühafizəsi üzrə  müəyyən edilmiş vəzifələrə malik olan şəxs” sertifikatlarını əldə etmiş şəxslər “Gəmi mühafizəsi üzrə ümumi hazırlıq və təlimat” kursuna dair sertifikatları əldə etmələri tələb olunmur.

 5. Üzv Dövlətlər bu sirkulyarda əks olunan  məlumatları müvafiq olaraq digər maraqlı tərəflərin, xüsusi ilə  Dövlət liman nəzarəti müfəttişlərin, tanınmış təsnifat cəmiyyətlərin və tanınmış təhlükəsizlik təşkilatların diqqətinə çatdırılması istiqamətində zəruri tədbirlərin görülməsinə  dəvət olunurlar.

_________________________________________________________________________________________________________________________________________________________

28 may 2013-cü il

Yeni qüvvəyə minən və gözlənilən dəyişikliklərin siyahısı.

 1 yanvar 2013: 2011-ci ilin may ayının SOLAS Konvensiyasına edilmiş əlavə və dəyişikliklər qüvvəyə minir

 SOLAS- III/1 qaydasına əlavə edilmiş yeni 5-ci paraqraf Beynəlxalq  Xilasetmə Avadanlağı haqqında Məcəllənin (LSA) tələblərinə cavab verməyən xilasedici qayıqların suya endirilmə avadanlıqlarının gəminin 1 iyul 2014-cü il tarixindən sonra növbəti ilk quru dok təmiri zamanı (lakin 1 iyul 2019-cu il tarixindən gec olmayaraq) dəyişdirilməsi tələbini əlavə edir.

 SOLAS üzrə bu əlavələr xilasedici qayıqların suya endirilməsi zamanı bədbəxt hadisələrin qarşısı alınması məqsədilə xilasedici qayıqların suya endirilməsi və qaldırılması sistemi üzrə yeni, daha ciddi təhlükəsizlik standartlarının tədbiq edilməsi məqsədini daşıyır və böyük sayda xilasedici qayıqların suya endirilməsi qarmaqlarının qiymətləndirilməsini və dəyişdirilməsini tələb edir.

 1 yanvar 2013: 2011-ci ilin iyul ayında MARPOL Konvensiyasına edilmiş əlavə və dəyişikliklər qüvvəyə minir

 VI Əlavə enerji səmərəliliyi

MARPOL Konvensiyasının gəmilərdən havanın çirklənməsinin qarşısının alınması haqqında VI Əlavəsinin Qaydalarına dəyişikliklərlə, yeni gəmilər üçün “Enerji Səmərəliliyi Dizayn Indeksi”ni (EEDI) və bütün gəmilər üçün “Gəmilərin Enerji Səmərililiyinin İdarə edilməsi Planı”nı  (SEEMP) məcburi edən yeni 4-cü bölmə əlavə edilmişdir. Əlavə VI olunan digər düzəlişlər yeni anlayışları və “Enerji Səmərəliliyi üzrə Beynəlxalq Sertifikat”ın forması daxil olmaqla, gəmilərin yoxlanılması və sertifikatın verilməsi üzrə tələbləri müəyyən edir.    

Bu qaydalar tam tutumu 400 ton və ondan artıq olan bütün gəmilərə şamil olunur. EEDI hər hansısa bir konkret vasitə ilə bağlı olmayan göstəricilərlə əlaqədar mexanizmdir və gəmi tikintisi zamanı istifadə olunan texnoloqiyalarda seçimə yol verir.  

Qaydalarla müəyyən olunmuş enerji səməriliyi üzrə tələb olunan səviyyənin əldə olunması üçün,  gəmi dizaynerləri və inşaatçıları maliyyə cəhətdən ən ənverişli yolların istifadəsində azaddırlar.

SEEMP gəmi operatorları üçün gəmilərin enerji səmərəliliyinin artırılması  mexanizmini yaradır.

 Əlavə VI emissiyalar

MARPOL Konvensiyasının “Havanın gəmilərdən çirkləndirilməsinin qarşısının alınmasına dair” VI Əlavəsinə edilən dəyişikliklərlə Puerto-Rico (ABŞ) və Vircin adalarının (ABŞ) sahilləri ətrafındakı sular azot (NOx) və kükürd oksidlərinin (SOx) tullantılarına nəzarət üzrə Emissiyalara Nəzarət Ərazisi (ECA) kimi müəyyən edilir.

Eyni zamanda dəyişikliklər Şimali Amerika və Amerika Birləşmiş Ştatlarının Karib dənizinin ECA ərazilərində buxarla işləyən köhnə gəmiləri kükürd üzrə tələblərdən azad edir.

Yeni ECA ərazilərində tələblər dəyişikliklərin qüvvəyə minməsindən 12 ay sonra tədbiq ediləcəkdir.

 Əlavə IV çirkab sular

MARPOL Konvensiyasının “Dənizin gəmilərdən çirkab sularla çirklənməsinin qarşısının alınmasına dair” IV Əlavəsinə edilən dəyişikliklər sərnişin gəmilərindən bu cür çirkləndirmələrin qarşısının alınması üçün “Xüsusi Ərazilər”in təsis edilməsi imkanlarını daxil edir və Baltik dənizini bu Əlavə üçün Xüsusi Ərazi kimi müəyyən edir. 

 Əlavə V zibil

MARPOL Konvensiyasının “Dənizi gəmilərdən zibillə çirkləndirilməsinin qarşısı alınmasına dair” V-ci Əlavəsinin Qaydaları müassir tələblərə cavab vermək məqsədi ilə yenidən baxılmışdır.

Əsas dəyişikliklər anlayışların yeniləşdirilməsini; dənizə bütün zibil növlərinin (müəyyən hallarda qida tullantıları, yük qalıqları, tərkibində dəniz mühitinə zərər vurmayan təmizləyici vasitələr olan gəmi göyərtəsinin və ya gəminin digər hissələrinin yuyulmasında istifadə edilən sular istisna olmaqla) atılmasına qadağa qoyulmasını; dəniz dibi yataqlarının kəşfiyyatına və ya istismarına cəlb olunan platformalarda məlumat lövhələrinə və zibil idarəetmə planlarına dair tələblərin genişləndirilməsini; və heyvan cəsədləri üzrə tələblərin əlavə olunmasını əhatə edir. 

 1 avqust 2013: MARPOL Konvensiyasına 2012-ci ildə edilmiş əlavə və dəyişikliklər qüvvəyə minir

MARPOL Konvensiyasının I, II, IV, V və VI Əlavələrinə edilən dəyişikliklər inkişafda olan kiçik ada dövlətlərinin regional tədbirlər vasitəsilə liman Dövlətlərinin limanları gəmi tullantıları üçün qəbuledici qurğularla təmin etmək öhdəliklərinin yerinə yetirilməsinə dəstək məqsədini daşıyır. Regional tənzimləmədə iştirak edən Tərəflər “Qəbuledici Qurğular üzrə Regional Plan” hazırlamalı və müəyyən olunmuş Regional Gəmi Tullantılarının Qəbul edilməsi Mərkəzlərinə və məhdud imkanları olan limanlara dair məlumatları təqdim etməlidirlər.

1 yanvar 2014: MARPOL Konvensiyasına 2010-cu ilin oktyabr ayında edilmiş əlavə və dəyişikliklər qüvvəyə minir

 MARPOL Konvensiyasının III Əlavəsi olan “Dənizlə qablaşdırılmış formada daşınan zərərli maddələrlə çirkləndirmənin qarşısının alınmasına dair” Qaydalara edilmiş əlavə və dəyişikliklər məcburi hüquqi qüvvəyə malik “Dənizlə təhlükəli yüklərin daşınması haqqında” Beynəlxalq Məcəllənin növbəti yenilənməsinə uyğun olaraq qəbul edilmişdir və, həmin yüklər müvafiq müddəalara uyğun olaraq daşınmasını xüsusi qeyd edir.

 1 yanvar 2014: Birləşmiş Ştatlar Karib ECA qüvvəyə minir

Birləşmiş Ştatlarının Karib dənizi üzrə Emissiyaların Nəzarət Ərazisi (SOx, NOx və PM) MARPOL-un VI Əlavəsi uyğun olaraq qüvvəyə minir.

 1 yanvar 2014: SOLAS Konvensiyasına 2012-ci may ayında  edilmiş əlavə və dəyişikliklər qüvvəyə minir

Aşağıda göstərilənlərə əlavə və dəyişikliklər edilmişdir:

  1. SOLAS Konvensiyasının II-1/8-1 qaydası daşqın qəzasından sonra gəminin  limana təhlükəsiz qayıtması üçün Kapitanı operativ məlumatla təmin etmək məqsədilə gəminin tarazlığı üzrə kompüterə və ya sahildən dəstəyə dair məcburi tələbləri əhatə edir.
  2. Sərbəst enən xilasedici qayıqların sınaqları haqqında SOLAS Konvensiyasının III/20.11.2 qaydasına əsasən, sərbəst suya enən xilasedici qayıq sisteminin operativ sınağı yalnız gəmidəki operativ heyət tərəfindən gəmidə və ya simulyatorla sərbəst enmə formasında həyata keçirilməlidir.
  3. Gəmilərin heyətlə komplektləşdirilməsinə dair SOLAS Konvensiyasının V/14 qaydası, tələb edir ki, Administrasiyalar hər bir gəmi üçün Beynəlxalq Dəniz Təşkilatı tərəfindən qəbul olunmuş təlimatı (minimum təhlükəsiz heyət komplektləşdirmə prinsiplərinə dair Assembleya qətnaməsi A.1047(27)) nəzərə almaqla şəffaf prosedurlar əsasında minimum təhlükəsiz heyət komplektləşdirmə səviyyələrini yaratmalı, habelə müvafiq təhlükəsiz heyət komplektləşdirmə sənədi və ya zəruri hesab edilən minimum təhlükəsiz heyət komplektləşdirilməsini sübut edən ekvivalent sənəd verməlidirlər. 
  4. SOLAS Konvensiyasının VI-cı fəslinə yeni SOLAS VI/5-2 qaydası əlavə edilir və bu səfər zamanı maye yüklərin qarışdırılmasını və gəmidə istehsal proseslərini qadağan edir.
  5. SOLAS Konvensiyasının VII-ci fəsli sənədlərdə 4-cü qaydanı əvəz edir və bu təhlükəli yüklərin qablaşdırılmış formada daşınması və konteyner/avtomobil qablaşdırılması şəhadətnaməsinə dair nəqliyyat məlumatını əhatə edir.
  6. SOLAS Konvensiyasının genişlənmiş yoxlamalar üzrə XI-1 fəslinin XI-1/2 qaydası, Neft tankerləri və quru yük daşıyanların yoxlanılması zamanı yoxlamaların genişləndirilmiş proqram üzrə Beynəlxalq Məcəlləni məcburi edir (2011 ESP Məcəlləsi, qətnamə A.1049(27)).

 1 yanvar 2014: Yük Nişanı haqqında Beynəlxalq Konvensiyanın Protokoluna edilmiş əlavə və dəyişikliklər

 1966-cı il tarixli Yük Nişanı (LL) haqqında Beynəlxalq Konvensiyanın 1988-ci il Protokolunun 47 qaydasına edilmiş əlavə və dəyişikliklər Qış Mövsümü Zonasını Afrikanın cənub qurtarcağından daha 50 millik məsafə cənub istiqamətinə artıraraq dəyişir. 

 8 iyun 2015: 1996-cı il tarixli Dəniz tələbləri ilə bağlı məsuliyyətin məhdudlaşdırılması Protokoluna edilmiş əlavə və dəyişikliklər

 Dəniz tələbləri ilə bağlı məsuliyyətin məhdudlaşdırılması haqqında Konvensiyanın 1996-cı il tarixli Protokolunda məsuliyyətin məhdudlaşdırılmasının artırılmasına dair əlavə və dəyişikliklər 2012-ci ilin aprel ayında qəbul edilmişdir.

Yeni məhdudiyyətlər:

1996-cı il Protokoluna edilmiş əlavə və dəyişikliklərə uyğun olaraq məhdudiyyətlər aşağıdakı kimi müəyyən edilmişdir:

Tutumu 2000 tona qədər olan gəmilərdə baş vermiş həyat itkisi və ya zədələnmə üzrə tələblər üçün  məsuliyyətin məhdudlaşdırılması 3.02 milyon SDR (mövcud 2 milyon SDR-dən).

Daha böyük gəmilər üçün aşağıda göstərilmiş əlavə məbləğlər məhdudiyyət məbləğini hesablamaq üçün istifadə olunur:

  • 2001 tondan 30000 tonadək hər bir tona görə – 1208 SDR (mövcud 800 SDR-dən)
  • 30 001 tondan 70 000 tonadək hər bir tona görə – 906 SDR (mövcud 600 SDR-dən)
  • 70 000 tondan artıq olduqda hər bir tona görə — 604 SDR (mövcud 400 SDR-dən).